ТІЛ ТАҒДЫРЫ – ЕЛ ТАҒДЫРЫ

1 Звезда2 Звезды3 Звезды4 Звезды5 Звезд (Пока оценок нет)
Loading...
Қазақ тілінің мемлекеттік тіл мәртебесін иеленгеніне де ширек ғасырдан асып барады. Ата Заңымызда ол жөнінде айдай анық жазылған. Тіпті «Тіл туралы» арнайы жеке Заң да қабылданды.

Дегенмен істің мәнісіне келсек – заңнама талаптарының ескерілмейтінін, тіпті әттеген-ай дегізерлік жайттардың көрініс беретінін аңғарып келеміз. Мәселенің мәнісі екі тілде қатар жазылатын көрнекі жазуларға, жарнама тақталарына қатысты болып тұр. Орыс тіліндегі нұсқасына үңілсеңіз – сөзі де орнықты, мағынасы да ұғынықты болып шығады. Ал қазақшасын оқу үшін – қалтаңызға міндетті түрде валидол салып жүруге кеңес бергім келеді. Өйткені кәсіпкерлік сала мекемесінде жарнама жазуы мәселесіне, тіпті қазақша не жазылғанына бас ауыртып жатқан жан шамалы. Әйтеуір ілулі тұрса болғаны. Aры қарай оқу

МАУСЫМДЫҚ ЖҰМЫС ТӘМАМДАЛУҒА ЖАҚЫН

1 Звезда2 Звезды3 Звезды4 Звезды5 Звезд (Пока оценок нет)
Loading...
Облыстық ауыл шаруашылығы басқармасының ақпары бойынша облысымыздағы дәнді дақылдардың орташа гектар өнімділігі – 12,5 центнер. Атбасар, Жарқайың, Қорғалжын аудандарының диқандары науқандық жұмыстың көш басында келеді. Бұл өңірлердің егіні толық жиылып алынған. Зеренділіктер рейтингтік өнім көрсеткішінде көш бастап тұр. Олар егіннің әр гектарынан 16,3 центнер, бурабайлықтар -14,7 центнер астық жинаған. Рекордшылар қатарында гектар өнімділігі 16,5 центнерден айналған сандықтаулықтар да баршылық, деп хабарлайды «Акмолинская правда» газеті.
Енді ауданымыздағы орақ жұмысының жағдайына келейік. Ауыл шаруашылығы бөлімінің оперативті мәліметі бойынша, дәнді және дәнді-бұршақты егістік алаңы – 63234 гектар. Бидай мен жемдік астық дақыл егістігі де осы санатқа кіреді. 1540 гектар алқапқа майлы дақылдың тұқымы егілген.
9 қазанға дейінгі мезгілде бүкіл егіннің 88,4 пайызының дақылы орылған, бастырылған. Егер ауа райы бірнеше күн ашық болса, онда орақ жұмысы тәмам болады. Аудан бойынша орташа гектар өнімділігі – 9,7 центнер. Aры қарай оқу

ҚАЙТАЛАНБАС ЖАСТЫҚ КЕЗЕҢ КЕШЕГІ

1 Звезда2 Звезды3 Звезды4 Звезды5 Звезд (Пока оценок нет)
Loading...
Тыл және еңбек ардагерлерінің қалалық кеңесінінің төрайымы Қарашаш Қалқаманова газетіміздің өткен жолғы санында жаны жас комсомол ардагерлеріне ұсыныс арнады. Автор жерлесіміз ауданның жастар ұйымының өткен жылдардағы даму тарихына шолу жасаған. Ауданның 90 жылдығы және «Рухани жаңғыру» бағдарламалық құжаты аясында, өлке тарихын толықтыру, ұмытылған есімдерді еске түсіру мақсатында жерлестерімізден өз естелігімен бөлісуді өтінген. Бүгін редакциямызға алғашқы хат келді.

-2018 жылы Бүкілодақтық Лениндік Коммунистік Жастар Одағының құрылғанына 100 жыл толады. Комсомол менің 20 жылдық ғұмырымды арнаған ауқымды қоғамдық-саяси жұмысымның бастамасына айналды. Алғашқы ұстаздарым мен тәлімгерлерімді ыстық ықыласпен, алғыс сезіміммен еске түсіремін. Aры қарай оқу

ЕСКЕРТКІШ ТАҚТА ОРНАТСАҚ…..

1 Звезда2 Звезды3 Звезды4 Звезды5 Звезд (Пока оценок нет)
Loading...

Кешегі Ұлы Отан соғысы жылдарында одақтас он бес республиканың құрамында қазақстандық жігіттер де майдан шебінде басқыншы жаумен айқасты, ерен ерліктің үлгісін көрсетті. Ауылда броньмен қалған ер азаматтар, әйелдер, еңбекке қабілеттілер тыл майданында басқарманың қарамағында шаруашылық жұмысына араласты.

Жаңағы аға-апалардың қатары да сары күзгі жапырақтай сиреп бара жатқаны ақиқат. Тіпті ауданымызда көзі тірі соғыс ардагері мүлде жоқтың қасы, Бұл өмір заңдылығы, фәни тіршіліктің бұлжымас қағидасы.

Соғысқа бастан-аяқ толық қатысқан, елге Жеңіспен оралған, хабарсыз жоғалған жауынгерлер қатарында Ерейменмен іргелес Малтабар ауылының тұрғындары да аз болған жоқ.

Кезінде сонау 1975-76 оқу жылында өзіміз сегізжылдықты тәмамдаған қос қабатты шағын мектебіміздің директоры марқұм Хамзин Елемес ағайымыз бірталай игілікті іс тындырып еді. Ол кісі әуелі ауданнан фотосуретші шақырды да, сол кездегі көзі тірі соғыс-еңбек ардагерлерін орден-медалімен жеке-жеке суретке түсірткізіп алды. Өмірден өткендердің суретін үйінен сұратып алды. Өмірбаянын зерттеуге, тсендті көркемдеп-безендіруге мұғалімдер бңрлесе үн қосты. Сонымен қатар көзкөргендермен әңгімелесе жүріп, әрбір отбасынан елге оралмаған жауынгерлердің аты-жөнін жеке тізіп алды да, жеке жазғызып қойды. Олардың жалпы саны да 47 адам болды. Aры қарай оқу

ЕҢБЕК ЖОЛЫН АБЫРОЙМЕН ӨТКЕРГЕН

1 Звезда2 Звезды3 Звезды4 Звезды5 Звезд (Пока оценок нет)
Loading...

Ауданымыз өзінің 90 жылдық атаулы тойын кең көлемде дүркірете атап өтті. Әдеттегідей, мәртебелі меймандарымызды күтіп алдық, дәм-тұзымызды бөлістік, үздіктерді сый-сыяпатқа кенелттік, сахнамызды әнмен әрледік, бимен көмкердік. Ерейментау – ұлан-байтақ Отанымыздың картасынан орын алған, Ақмола облысының аумағындағы баршаны өзінің сұлу келбет-көркімен тамсандырған қастерлі атақоныстың бірі. Алыстан көз тартатын жел электр стансасы, киелі орындары, орман-тоғайы, биік таулары, мөлдір сулы бастау-бұлағы, жеміс-жидегі, астық алқабы – бәрі-бәрі туған жеріміздің ажарын аша түседі. Ең негізгісі – өңірде еңбегімен көпке танылған, кең пейілді, баршаға сыйлы, тамаша адамдар мекен етеді.

Мерейлі дата қарсаңында қаламыздың байырғы тұрғынының бірі Бағдат Баспаққызы Ғалиевамен жүздестік. Жерлесіміз ғұмыр жолы туған өлке тарихымен мәңгі тағдырлас болған ата-анасы жайында бір үзік сыр шертті.

Тілші: Бағдат Баспаққызы, жаңағы тарихыңызға басынан бастап тоқталғаныңыз жөн болар, сірә.

Б.Ғ. Біз Ерейментауға 1954 жылы қоныс аудардық. Әкем Баспақ Ғалиұлы Ғалиев Ерейментау ауаткомы төрағасының бірінші орынбасары лауазымына тағайындалды. Сондықтан өз басым, өзге айтулы тұлғалар тәрізді, ол кісі де қаламыздың, ауданымыздың керегесін кеңейтуге, уығын тіктеуге, шаңырағын биіктетуге үлес қосты деген ойдамын. Бестөбе, Изобильный, Сілеті ауылдары ол уақытта біздің ауданның құрамына кірді. Әкемнің жаңағы алыс елді мекендердің жағдайын көзбен көруге жиі шыққаны, халықтың жағдайына қаныққаны есімде қалыпты. Ол уақыттың қысы да қатты болатын, ат құлағы көрінбейтін бораны мен түкірік жерге түспейтін аязы кезектесіп жататын. Қолда қазіргідей жол талғамайтын Джип маркалы қызмет көлігі жоқтың қасы. Межелі жерге жаз айында мәшинемен, қыста атпен жүріп жететін. Қазір бұл жағдайды көзге елестетудің өзі қиын. Біз, балалары, әкемізді үйде сирек көретін едік. Өйткені, әсіресе көктемгі егіс, әлде күзгі орақ науқаны уағында іссапар мерзімі апталап жалғасатын. Aры қарай оқу

ӨНІМ ӨЗ ТҰТЫНУШЫСЫН ТАПТЫ

1 Звезда2 Звезды3 Звезды4 Звезды5 Звезд (Пока оценок нет)
Loading...

Өткен демалыс күні жәрмеңке қалашығы алаңында ауыл шаруашылығы жәрмеңкесі ұйымдастырылды. Игі шараға ауыл өңіріндегі шаруашылық жетекшілері, жеке аула иелері, ауданымыз бен өзге облыстардың жеке кәсіпкерлері ықыласпен үн қосты. Мақсатты іс егде адамдар мен мүгедектер айлығы құрметіне қалалықтардың азық-түлік қоржынын толықтыруға арналды.

Таңғы сағат сегізден бастап республиканың оңтүстік облыстарынан келіп жеткен кәсіпкерлер жаңа піскен пиязын, көршілес Павлодар облысының өкілдері капустасын үлестірді. Новомарковка, Бестоғай ауылдық округінің шаруалары картобын саудалады, бағасы тұтынушының таңдауына қарай әркелкі болды. Aры қарай оқу

ӨНЕР ИЕЛЕРІНІҢ АЛҒЫСЫ ШЕКСІЗ

1 Звезда2 Звезды3 Звезды4 Звезды5 Звезд (Пока оценок нет)
Loading...

Үшінші қазанда Балалар музыка мектебінде Егде адамдар күні мен Мұғалім күніне арналған концерт өтті. Қаламыздың білім беру саласының ардагерлері, шәкірттердің ата-аналары, ата-әжелері құрметтің мейман ретінде шақырылды. Аудандық білім бөлімінің әдістемелік кабинет меңгерушісі Қатима Әубәкірова, Балалар музыка мектебінің директоры Асқар Өсіпов қонақтарды құттықтады. Вокал бөлімінің шәкірттері әуезді әнімен көпшіліктің көңілінен шықты. «Ақ бұлақ» қобызшылар ансамблі, домбырашылар ансамблі, жоғарғы сыныптың хоры баршаның қошеметіне бөленді. Фортепианоның бой сергітерлік жанды әуені шынайы ләззат сыйлады. Концерт көрермен қауымның көңіліне жағымды әсер етті.

Ағарту ісінің ардагері Қайрат Өсіпов өнер ордасының оқушылары мен ұжымына ризашылық ниетпен ағалық алғыс айтты. Бүгінгі мереке үлкендердің де, балалардың да, жүзіне нұр, көңіліне шуақ сыйлағандай әсер қалдырды.

Айнұр РҮСТЕМОВА,

директордың оқу ісі бойынша орынбасары.

Суретті түсірген автор.

БАРША ШӘКІРТ БАҚ СЫНАДЫ, ШЫҢДАЛДЫ

1 Звезда2 Звезды3 Звезды4 Звезды5 Звезд (1 оценок, среднее: 3,00 из 5)
Loading...
Қыркүйек айында Өлеңті орта мектебінде әйгілі палуан жерлесіміз, күрес өнерінің майталманы, спорт шебері Ибраев Рустем Нұрмұханбетұлы Ыбыраевты еске түсіруге арналған мини-футболдан аудандық жасөспірімдер турнирі өтті. Жарысты өткізудегі негізгі мақсатымыз танымал тұлғаны баршаға өнеге етуге; жасөспірімдердің спорттық шеберлігін шыңдауға; жас өрендерді дене тәрбиесі мен түрлі спортқа әуестендіруге арналды.
Аудандық деңгейдегі дүбірлі бәсекеге Ерейментау қаласының, Өлеңті, Бозтал, Новомарковка мектептерінің 2005 жылға дейінгі ер балалары қосылды. Жалпы 8 команда жүлделі орынға таласты. Сонымен қатар аудандық Тоқмағамбет хазірет мешітінің бастамасымен 16 келілік гір тасын көтеруден, кермеге тартылудан, қол күресінен бақ сынауға мүмкіндік берілді. Aры қарай оқу

МҰҒАЛІМ – МӘРТЕБЕ МЕН ҚҰРМЕТ ИЕСІ

1 Звезда2 Звезды3 Звезды4 Звезды5 Звезд (Пока оценок нет)
Loading...
Өткен аптаның соңында Балалар шығармашылық үйінде қарбалас дайындық жүріп жатты. Ұжым негізгі мереке себепкері – ұстаздар қауымын қарсы алуға қам жасады. Түрлі-түсті шарымен қос қанаттан сап түзеген оқушылар тобы, еденге төселген кілем төсеніш, Балалар музыка мектебі шәкірттерінің сазды сәлемі, Шығармашылық үйі қолөнер иелерінің бірегей бұйым көрмесі, шардан даярланған гүл дестесі – бәрі бәрі аудандық білім бөлімі мен алаң иелері педагогтарының, шәкірттерінің тосын сыйы болатын.
Қала мен ауданның ағарту қызметкерлері жаңағы бірегей сый-сыяпатты ықыласпен, алғыс сезімімен қабыл алды. Мектептен тыс мекеменің жанға жайлы шағын залына қала мен аудан мектептерінің, балабақша мен мектептен тыс мекемелерінің басшылары, күнделікті жұмысында заманауи технологияны, оқыту әдісін қолданатын танымал педагогтар жиналды. Қонақтарды аудан әкімі Виктор Радченко құттықтады. Өңір басшысы өскелең ұрпақты оқытып-тәрбиелеуге қосқан үлесі үшін бүкіл ұстаздар қауымына ризашылық лебізін арнады. Aры қарай оқу

ТУҒАН ӨЛКЕ КЕЛБЕТІ

1 Звезда2 Звезды3 Звезды4 Звезды5 Звезд (Пока оценок нет)
Loading...
Дархан дала, көкшіл таулар – Ерейменнің келбеті,
Жасыл жолақ тау қойнауы, шоқ тоғайлы жер беті.
Мекен етіп кейде бір сәт, батыр баба белгісін,
Қызықтаймын сол биіктен – көзге көркем суретін.

Ерейменнің солтүстігі-батысы мен шығысы,
Байтақ алқап жасыл кілем, орман шоғы, қыр құсы.
Араласып қырқалармен, көкжиекті барладым,
Шілде жазы, салқын самал – бала кезден арманым.

Жазғы маусым, демалыста – қой соңында, далада,
Жүрген едік ойнақ салып – балалығың қала ма!
Абылайша, Тамды көлің, Жұмабайдың бұлағы,
Бұл күндері ертегідей көз алдымда тұрады. Aры қарай оқу