СӘТ САПАР, ТҮЛЕКТЕР!

Кезекті оқу жылы өз мәресіне жетті. Фейсбук парақшасындағы ақпаратқа сәйкес, бүкіл аудан мектептерінде дәстүрлі соңғы қоңырау күмбірледі. Әрбір мектепке уәкіл ретінде алдын- ала арнайы бекітілген, аудан әкімі Абай Әлжанов бастаған бзлім жетекшілері мен мамандары білім ордаларының ұстаздарын, шәкірттерін, ата-аналарды құттықтады.

Бұл күн әсіресе 11 сынып үшін мәңгі есте қалатын, балалық кезеңмен қоштасатын, дербес өмірге қадам басатын, мамандық таңдайтын ерекше сәт.

9 сынып бітіретін ұл-қыздардың да өзіндік арман – мақсаты, жүрек қалауы баршылық. Бірі алыс қалаларға колледжге аттанады, енді келесі оқу жылын кәсіәп таңдау ниетімен жергілікті №8 АТК-ге құжатын өткізеді.

Бастауыш және орта буынның балалары үш айлық жазғы каникулын демалыс лагерінде, ойын алаңында, қала мен ауылда, ата-әжесінің жанында қызықпен өткеретін болады.

Үлкендердің жүрекжарды жылы лебізі, мерекелік концерт, періште топ – бастауыш буынның бал тілді тілегі бір арнаға сәтімен тоғысып жатты.

Міне 45 минөттік сабаққа асықтырған, оқушыны сабақаралық үзіліске шақырған Қоңырау үні құлаққа келді. Оның даусы да бұрынғыдан өзгеше, күндегіден өте әсерлі.

Түлектер, сәт сапар, келер күн бақ ашар. Емтихан жеңіл боп, Ақ жарқын жол ашар, дегіміз келеді.

БІЗ – ЖҮЛДЕГЕРЛЕР ҚАТАРЫНДАМЫЗ

Осы аптада Көкшетау қаласының Мағжан Жұмабаев атындағы обылстық әмбебап кітапханасында «Мемлекеттік тіл және БАҚ» облыстық конкурсына қатысушыларды марапаттау рәсімі өтті. Шаршы топқа өңірлік басылымдар мен жергілікті телеарнаның шығармашылық қызметкерлері шақырылды. Шара алда аталып өтетін Байланыс және ақпарат қызметкерлері күнімен орайластырылды.

Ұйымдастырушы әрі бастама иесі – Ақмола облысының ішкі саясат басқармасы. Басқарма басшысы Ғалым Шойкин биік мінберден барша қаламгер әріптестерге ізгі лебіз жолдады, жергілікті газет пен оның журналистері қоғам мен атқарушы билік арасындағы байланыстырушы жүйе екенін атап өтті.

Арнаулы құзыретті комиссия бұған дейін конкурсқа жолданған авторлық мақалалар мен хабарламалардың жалпы мазмұны мен сапасын, тақырыптың ашылым деңгейін мұқият талдаған болатын.

«Мемлекеттік тіл және БАҚ» конкурсының қорытындысы бойынша аудандық «Ерейментау», «Ереймен» қоғамдық-саяси газетінің редакторы Раушан Нұрғазинова, осы басылымның тілшісі Нұрлыбек Төрегелдин облыс әкімінің орынбасары Айна Мысырәлімованың қолы қойылған Алғыс хатпен, бағалы сыйлықпен көтермеленді.

ҚАРАТАЛ, КҮНШАЛҒАН: ТАРИХ БАСТАМАСЫ

Көзге ыстық кең даласы, ақ қайың,

Мөлдір сулы өзен, бұлақ-бастауың.

Ардагерім, өткен кезең – естелік,

Игі еңбек Алтын күнмен нұрланған

Санамызда жаңғырады сәт сайын.

Бұл жолы өзімнің Қаратал ауылым жайында әңгімелегім келеді. Аудан орталығынан алыс қоныстанған елді мекеннің Ерейментауға дейінгі арақашықтығы – 120 шақырым. Елордамызға дейін – 190 шақырым. Ең жақын Еркіншілік темір жол стансасы 68 шақырымда орналасқан. Қаратал аудан орталығымен, Аршалымен, Астанамен, әрбіреуінің қашықтығы 12 шақырымдық Күншалған, Белоярка, Тельман ауылдарымен автокөлік жолы арқылы қатынасады Елді мекен жазда көркімен көз тартады. Үлкенді-кішілі шоқы-қыраты, тал-шыбықпен көмкерілген өзені, қарақаты мен итмұрыны, қайың-терек тоғайы, мол өсетін саңырауқұлағы мен бүлдіргені баршаны жан рахатына бөлейді. Өзенде балықтың түр-түрі көп кездеседі. Түгін тартса майы шығатын құнарлы жері егіншілікке өте қолайлы.

1 тарау. Жаңа қоныс иелері, ұжымшар өмірі

Украинадан, Белоруссиядан, Орталық Ресейден қоныс ауыстырушылардың бұл аумаққа табан тіреген тарихы өткен кезеңнің 18 ғасырының соңы мен 19 ғасырының басымен тұспа-тұс келеді. Оларға бастапқыда жылы орнын суыту жеңіл тиген жоқ. 1908 жылы ауылға 30 отбасы тұрақтаған. Сонымен Моисей Ключканың, Иван Деревянченконың, Иосиф Бабичтің, Шпаковтың, Грабиннің, Иван Шендриктің алғашқы жер үйі бой көтерді. Олар жағалауы талмен мол көмкерілген өзеннің маңайын таңдады. Елді мекеннің Қаратал атауы да жаңағы жасыл желегімен орайластырылса керек. Жақын маңайда Сәрсенбаевтардың, Абрай Төлеубаевтың тағы басқалардың отбасы орналасқан қазақ ауылы да болыпты. Ауылдастар ашаршылық пен құрғақшылық нәубетін, қазан төңкерісі оқиғаларын, кеңес өкіметінің билік құрған кезеңін бастан өткерген. Михаил Шевелев, Павел Снаговский, Сикало Никита, Карпенко Аврам, Земляной Петр алғашқы партия мүшелері болған. Михаил Шевелев ұйым хатшылығына сайланған.

Ауылға ақ гвардияшылар шабуылдаған оқиға, жергілікті кулак Иван Шпактың опасыздығының кесірінен қос белсенді М.Шевелев пен Колотовтың ату жазасына кесілгені – тарихтың тағы бір ақтаңдағы. Колотов сәті түсіп қашып құтылған, ал екіншісін қылышпен түйреп, көзін жойған. Бертін соңғысының жазаланған орнына ескерткіш орнатылыпты. Aры қарай оқу

Көңіл айту

Күншалған орта мектебінің ұжымы математика мұғалімі Рымгүл Ермекқызы Тәуекеловаға орны толмас қаза – әкесінің дүние салуына байланысты қайғысына ортақтасып көңіл айтады.

«ТАБИҒАТТЫ АЯЛА – КЕЛЕШЕГІҢДІ ОЙЛА!»

Ерейментау ауданы – жыл он екі ай көркімен көз тартатын, орман-тоғай, өзен-көл, тау-қырат көмкерген өңір. Аймағымызда табиғаты әсем жер аз емес. «Бұйратау» ұлттық табиғи паркімізді айрықша даралай аламыз.

Бұл төңіректе жалпы саны 55-тен астам сүтқоректі жануар мекендейді. 227 құстың түрі, 508 түрлі өсімдік баршылық. Тау арқары, 8 өсімдік Қызыл кітапта тіркеулі. Ауданымызда табиғатымызды бастапқы қалыпта сақтауға арналған ауқымды жұмыс жүргізілуде. Оқушылар мектеп пен қала аумағы тазартылатын экологиялық сенбілікке үн қосады, күннің суығында құсты қоректендіреді, құс ұясын жасап береді, жасыл желекті күтеді, экологиялық қабырға газетін шығарады, ағаш егуге, «Парк шеруі» табиғат қорғау акциясына, түрлі конкурсқа үн қосады.

Өткен аптада Үмбетей жырау атындағы аудандық мәдениет үйінің төңірегінде жылдағы дәстүрлі «Парк шеруі-2019» акциясының жабылуына арналған шара ұйымдастырылды. Оған аудан мектептерінің мұғалімдері мен оқушылары, қала жастары жиылды.

Салтанатты шараны құттықтау лебізімен ашқан аудан әкімі Абай Әлжанов акцияға үн қосқан, табиғат тағдырына жанашырлық байқататын жандардың бәріне алғыс айтты.

Жасыл кеудеше киген №4 орта мектептің балалары «Алға Қазақстан» әнінің сүйемелдеуімен тартымды да көңілді, экологиялық флешмоб өткізді.

Өңіріміздің барлық ұл-қызы сегіз қырлы, бір сырлы. «Лидер» балалар би ансамблі көктем биімен, Балалар музыка мектебінің қобызшылар ансамблі, «Жастар» би тобы «Асатаяқ» биімен, мәдениет үйінің өнерпаздары сазды сәлемімен бәріміздің көңілімізді көтерді. Aры қарай оқу

АУДАНДЫҚ МӘСЛИХАТ СЕССИЯСЫНАН

Өткен аптада аудандық мәслихаттың депутаты Талғат Қалиевтың төрағалығымен алтыншы сайланымдағы аудандық мәслихаттың ХХХХ сессиясы шақырылды.

Оған аудан әкімі, Ақмола облыстық мәслихатының депутаты, Ақмола облысы бойынша тексеру комиссиясының мүшелері, аудан әкімінің аппарат қызметкерлері, дербес бөлім, мемлекеттік мекеме бастықтары, үкіметтік емес ұйым, баспасөз өкілдері қатысты.

Аудандық мәслихаттың сессиясында қарауға келесідей мәселелер ұсынылды: «Аудандық бюджеттің 2018 жыл ішіндегі орындалымы бойынша жылдық есепті бекіту туралы», «Ерейментау қаласының, Еркіншілік, Тайбай, Торғай ауылдық округтері бюджетінің 2018 жыл ішіндегі атқарылымы бойынша жылдық есепті бекіту туралы», «Ерейментау аудандық мәслихатының 2016 жылдың 26 желтоқсанындағы «Ерейментау ауданында төтенше жағдайдың алдын алуға және жоюға арналған комиссияның дербес құрамын бекіту туралы» шешіміне өзгеріс енгізу туралы», «Ерейментау ауданының 2016 жылдың 17 ақпанындағы «Ерейментау ауданының әкімдігі жанындағы құқық тәртібі және құқық бұзушылықтың алдын алуға арналған комиссияның дербес құрамын бекіту туралы». Ақмола облысы бойынша тексеру комиссиясының мүшесі Ермек Әубәкіров ақпар ұсынды.

2019 жылға арналған жұмыс жоспарына сәйкес кезекті сессияның қарауына «Ерейментау ауданы әкімінің жүктелген міндеттер мен тапсырманың орындалымы туралы есебі» мәселесі енгізіледі.

№3 Станционный сайлау округінің депутаты Ерқанат Имашев кезекті сессияның төрағасы болып сайланды.

Күн тәртібінің, Депутат сағатында алдын-ала тыңдалған, барлық мәселелері бойынша ұсыныс-ескертуі ескерілген сәйкес негіздегі шешімі қабалданды.

ӨЗ ТІЛШІМІЗ.

ТАРИХ ПЕН ШЕЖІРЕ АЙНАСЫ

Әрбір елдің өзінің мақтан тұтатын мәдени-тарихи мұрасы болады. Ата текті білудің, ата-бабаны қастерлеудің түпкі мәні халқыңды, еліңді құрметтеуге негізделеді. Музей қызметкерлері тарихқа барынша бейім, оны қастерлей біледі, жан-тәнімен сүйеді, көпшілікке де кеңінен насихаттап отырады.

18 мамырда Бөгенбай батыр атындағы аудандық тарихи-өлкетану музейі Ашық есік күнін өткізді. Салтанатты шараға туған өлке тарихы мен мәдениетіне ықылас қоюға ниеттілердің бәрі шақырылды.

Көне жәдігерлер өткен өмірімізден сыр шертеді, адамдардың тұрмыс салтын, өмірін, ой-арманын, сана-сезімін көз алдыңызға елестетеді.

Директор Ләззат Түгелбаеваның жетекшілігіндегі қызметкерлер дәл жаңағы игілікті істі сәтімен атқарып келеді.

Межелі уақытта мекеме ауласына өнерге әуес жандар, еңбек ардагерлері, тыл еңбеккерлері, қала мектептерінің мұғалімдері мен оқушылары, баспасөз өкілдері, жалпы өлке мәдениетіне етене жақын жандар жиылды.

Аудан әкімі Абай Әлжанов салтанатты шараға қатысты. Музей қызметкерлерін төл мерекесімен құттықтады, игі еңбегіне алғыс айтты. Тарихи орданың негізін қалауға, дамуына үн қосқандарға, сала ардагерлері мен бүгінгі қызметкерлеріне ілтипатты лебізін арнады. Aры қарай оқу

СЫБАЙЛАСТЫҚ – БӘРІМІЗГЕ ЖАТ ҚЫЛЫҚ

Сыбайлас жемқорлық дүние жүзінің барлық елдерінде теріс құбылыс ретінде таныс. Нағыз экономикалық гүлденуге сыбайлас жемқорлық құбылыстарын азайтқан мемлекеттер ғана қол жеткізетіні де белгілі. Себебі, ол қоғамның барлық салаларына: экономика, әлеуметтік сала, саясатқа әсерін тигізеді, ал осы құбылыстан туындайтын теріс салдары қоғамның ілгері әрі қарқынды дамуына кедергі келтіреді, ұлттық қауіпсіздік мүдделеріне нақты қауіп төндіреді.

Қазіргі таңда оның түпкі мәнісі тиісті заң ережесінен тыс өз мүддесінде материалдық және заңдық артықшылықтарды алуды, «өз» адамдары есебінен жеке мәселесін шешуді көздейді. Парақорлық амалы мемлекеттік органдардың тиісті қызмет ырғағына, беделіне нұқсан келтіреді, заңды қағидаларды теріске шығарып, азаматтардың конституциялық құқығы мен заңды мүддесінің бұзылуына түрткі болады. Қазақстан Республикасының «Сыбайлас жемқорлыққа қарсы күрес туралы» Заңына сәйкес, бұл кеселге барлық мемлекеттік органдар мен ұжымдағы лауазымды тұлғалар тосқауыл қоюы тиіс. Мемлекеттік орган, ұжым, жергілікті өзін-өзі басқару органдарының басшылары өз өкілеттігі шегінде кадр, бақылау, заңгерлік және өзге де қызметтерін іске тартуға, заң талабының орындалымына ықпал етуге міндетті. Aры қарай оқу

Қасым-Жомарт Тоқаев еңбек және жұмыспен қамту мәселелері бойынша жиын өткізді

Жиынға Парламент депутаттары, Үкімет мүшелері, қоғамдық ұйымдардың өкілдері және инвесторлар мен ірі компаниялардың басшылары қатысты.

Қазақстан Президенті бұл саладағы мемлекеттік саясат халықты лайықты жұмыспен қамту және әділ еңбекақыға негізделуі тиіс деп атап өтті. Ол үшін Үкіметтің алдына шұғыл шешілуі тиіс бірнеше міндет қойды.

– Бірінші. Еңбек нарығының сұранысына сай мамандар даярлау. Төртінші өндірістік революция жаңа мамандықтардың пайда болуына әкеледі. Бүгінде алған білімнің уақыт өткен сайын жарамсыз болып қалуы жиі кездеседі. Үкімет білім беру бағдарламаларының әлемдік стандартқа сай кешенді жаңаруын қамтамасыз ету қажет, – деді Мемлекет басшысы.  

Қазақстан Президенті осы бағытта алдағы үш жылда алдыңғы қатарлы 180 колледж бен 20 жоғары оқу орнының күшейтілетінін айтты. Үкіметке жоғары және кәсіби техникалық білім берудің сапасын бақылау тапсырылды.

Сапалы жұмыс орындарын құру – екінші негізгі міндет.

– Біздегі құрылып жатқан жұмыс орындарының көбі қысқа мерзімге бейімделген. Мұндай әдіспен халықты тиімді жұмыспен қамтамасыз ету мүмкін емес, еңбек нарығын уақытша ғана тұрақтандырады. Сондықтан, біз ең алдымен маман жетіспейтін өңдеу өнеркәсібі, ауыл шаруашылығы, туризм, қызмет көрсету, ақпараттық технологиялар салаларында тұрақты жұмыс орындарын ашуымыз қажет, – деді Мемлекет басшысы. Aры қарай оқу

АУДАН ЖАҢАЛЫҚТАРЫ

Жайма-шуақ мамырдың Жеңіс мейрамы қарсаңында ауданымыздың елді мекендерінде патриоттық мәндегі спорттық, мәдени-бұқаралық шаралар ұйымдастырылды. Өлеңті орта мектебінің түлектері, арнайы естелік турнирі өткізілген танымал бапкерлердің бұрынғы шәкірттері, елді мекеннің аумағына спорт алаңын жабдықтап беруді жөн көрді. Ауылдық округтің әкімі Алмагүл Мұстафина мен өңір жастары игі бастаманы құптады. Келешекте балаларға лайықталған тағы бір алаңды іске қосатын ниет баршылық. Көріктендіруге бөлінген қаржы аталмыш мақсатқа жұмсалатын болады. Құнды бастаманы жалғастырушылар өзге елді мекендерде де табылып жатса – бағымыздың жанғаны.

Раушан БАРЖАҚСЫ.

Сурет Өлеңті орта мектебінің архивінен алынды.