БІЗДІҢ ТУРИСТІК ӘЛЕУЕТІМІЗ ҚАНДАЙ?

Қаламыздың Балалар шығармашылық үйінде «Парк шеруі-2019» халықаралық табиғат қорғау акциясына және Ереймен өңірінде туризимді дамытуға арналған дөңгелек үстел жиыны ұйымдастырылды.

Шаршы топқа «Бұйратау» мемлекеттік ұлттық табиғи паркінің, аудандық білім бөлімінің, жастардың ресурстық орталығының, аудандық тарихи-өлкетану музейінің, кәсәпкерлер палатасы аудандық филиалының, Нұр-Сұлтан мен Ерейментау қаласындағы бизнес құрылымдарының өкілдері, журналистер жиылды. «Бұйратау» ұлттық табиғи паркі бас директорының ғылым бойынша орынбасары Е.Т.Мизембаев бүгінгі шараның өткізілім мақсаты мен міндетіне тоқталды. Ол өңірімізде төртінші жыл ұйымдастырылған «Парк шеруі-2019» халықаралық табиғат қорғау акциясының ашылымымен орайластырылып отыр. Көпшіліктің назарына ұлттық парк аумағында «Парк шеруінің» өткізіліміне арналған бейнефильмнен танымдық ақпарат ұсынылды. Қызғалдақты негізгі нышанына айналдырған, әртүрлі табиғи өсімдік пен жануарлар дүниесін сақтауды, хайуанаттар мен құс санын көбейтуді негіздейтін көрініс көңілден шықты. Қоршаған ортаға ұқыптылық көзқарас, халық арасында, оқушылар ішінде эукологиялық туризмді насихаттау идеясы басты тақырыпқа айналды. Оған «Құмырсқаның илеуін сақта», «Таза бұлақ», «Әрбір құсқа жеке ұя», «Бүкілдүниежүзілік ағаш егу күні» акциясы, суретшілер конкурсы, өңірдің сан түрлі өсімдіктер мен жануарлар дүниесін зерттеуге арналған ғылыми жұмыс, Ұлттық парк қызметкерлерінің мектеп пен колледждегі әңгімесі, концерт, шағын спектакль, басқадай танымдық-тағылымдық шаралар кіреді. Бәрі де туған өлкенің табиғатына жанашырлық ниетіне баланың назарын аудартуды көздейді. Аталмыш акция биыл 23 наурыздан 5 маусымға дейінгі аралықта өткізілмек. Aры қарай оқу

Қос жүйріктің тағдыры. (Деректі поэма)

1. Жүйріктің тарихы.
Қос жүйрік шынардай жарқылдаған,
Қамалда қалмай барад алынбаған.
Кішісі бесті ат деп аталады Қос,
Үлкені он бір жасты алқымдаған.
Тиекті, Қолбаң, Салбаң ұштасады,
Малдары жаз айында тау асады.
Самал төс, шөбі шүйгін тау етегі,
Шұрайлы мұндай жерден кім қашады.
Сұмын бар аймақтағы бәйгелерде,
Сан мәрте бас жүлдені алды міне.
Ат бабы келіспеген аңғал жандар,
Көреміз деп қайтады ендігі де.
Біреуі туа біткен меншік малы,
Төгілген күлтеленіп құйрық жалы.
Бес жасқа биыл толды үміті көп,
Тор төбел маңдайында болған қалы.
Енесі дәл өзіндей бие еді,
Мойнына жүген құрық тимеп еді.
Тайынан, құнан, дөнен бәйге алып,
Осы жыл аламанға қоспап еді.
Біреуі күні кетіп арба тартқан,
Үстіне неше түрлі жүктер артқан. Aры қарай оқу

ҰСТАЗ – ҰЛЫ ТҰЛҒА

«Адамның адамшылдығы…жақсы ұстаздан болады», – деген Абай атамыз. Бұл – парасатты ұғым. Оқушыға білім нәрін себетін осы сала маманы. Өмірде қандайда бір үлкен белесті бағындырып, жетістікке жетіп жатсаң – бәрі-бәрі тәлімгеріңнің арқасы. Мектеп табалдырығын аттаған сәттен бастап шәкірттің қолбасшысы –мұғалима апайы. «Талантты ұстаздың шәкірті талапты болады»,- дейді. Бұл нақыл сөздің де мағынасы терең. Мен бала күнімде алғашқы ұстазым Ержанова Роза Кәрімбекқызынан көп нәрсе үйрендім. Ол кісі маған әріп танытты, жазуды, оқуды үйретті. «Ұстаз – ұрпақ мақтанышы» дегендей, мен де келешегіме білім көзін ашып берген, биік шыңға жетелеген адамды мақтан етемін. Білікті маманның бізге берген тәрбиесінің бәрін мектеп табалдырығын аттағаннан бастап бойымызға сіңіріп өсеміз. Роза апайымыз еңбекке араласқан ұзақ жылдың ішінде қолынан талай шәкірт ұшқан. Қазір ол кісі зейнеткерлік демалыста, немерелерінің ортасында шаттық өмір сүруде. Шәкірттің келешегіне даңғыл жол салатын, жүрегіне білім дәнін егетін, екінші анаң да болатын, жылылық шуағын төгетін мейірім иесін сыйлаумен қатар еселі еңбегін де бағалай білуіміз парыз. Алғашқы ұстаз кез келген ұл-қыз үшін әрдайым қымбат. Енді қазір өз жетекшімнің жолын қуған мен де 30 жыл ағарту саласында қызметтемін. Бұл менің бала кездегі арманым болатын. Менің ойымша, өз ұстазына еліктеп өскен, әрбір ізгі қасиетін санасына мықтап сіңірген әр қыз бала: «мен мұғалім боламын, – дейді. Сол секілді, мен де Роза Ержанованың бойындағы жан сүйінерлік барлық бағалы қасиетін, ар-намысты ардақтайтын ақыл иесін тани келе, осы қадамға бардым деп ойлаймын. Мектептің негізгі құндылығы оқушы десек, оған жеке тұлға ретінде қарау – мұғалімдердің міндеті. Менің көзімді ашып, алғаш шыңға жетелеген – мақаламның кейіпкері. Мен өзімнің «Әліппе» ұстатқан абзал жаныма шексіз алғысымды айтамын. Деніне саулық, амандық, отбасына береке-бірлік, зейнеткерлік демалысы шаттыққа толы болсын дегім келеді. Ұстамы жақсы шәкірті бар ұстаз бәрінен де қымбат, өйткені мұғалім – мектептің жүрегі.
Айнагүл БОҚАНОВА,
Жаңатұрмыс бастауыш мектебінің директоры.

АТА-БАБА ДӘСТҮРІНІҢ ЖАЛҒАСЫ

Ел тарихындағы кезекті дата – Жеңіс күні жақындап келеді. Биыл Ауғанстаннан әскердің шығарылғанына 30 жыл толғанын атап өттік.
Бұл қатерлі де қастерлі кезеңнің соңғы куәгерінің көзінің тірісінде жаңағы оқиға ел жадында сақтала береді. Өз келешегін Отан қорғауға арнауды армандайтын жаңа ұрпақ өсіп келеді. Тайбай орта мектебінде әскери-патриоттық тәрбиеге арналған жоба жүзеге асырылуда. Білім ордасында алғашқы әскери дайындық сабағының оқытушысы Жамбыл Жаншуақов басқаратын «Бүркіт» клубы құрылған.

Жуырда бізге жағымды хабар жетті. Жаңағы клубтың ер балалары, №2 Жалтыр орта мектебінде өткен, интернационалист-жауынгер А.У.Құрманғалиевтың кубогына арналған әскери-қолданбалы спорт жарысына қатысты. Шаршы алаңда облыс көлемінен Старый Колутон, Қызылжар, Жалтыр, Ерейментау, Шортанды ауданы мектептерінің өкілдері бақ сынады.
Жарыс бағдарламасына пневматикалық винтовкадан оқ атуға, АК-74 қаруын бұзып-жинауға арналған тапсырма енгізілді. Тайбай орта мектебінің шәкірттері Мөлдір Елубаева, Әсел Бақытова, Омар Қасымхан, Мәрлен Сарқытұлы шаршы алаңда абыройға бөленді, екінші құрметті орынға көтерілді. Бәрі – тыңғылықты жаттығудың, сабаққа жауапкершілік ниеттің жемісі. Ақтық нәтижеде мектебіміздің командасына ұйымдастырушылар тарапынан Кубок, білім ордасына әскери-патриоттық тәрбие ісін жоғары деңгейде ұйымдастырғаны, қол жеткізген табысы үшін Грамота берілді. Команданың әрбір ойыншысы аспалы медальді, естелік сыйлықты иеленді.
Үйге жеңіспен оралған ойыншыларымыз келесі бәсекеде де биіктен көрінуді мақсат етеді. Шәкірттер өздеріне қолдау көрсеткен Асқар Ералинов басқаратын мектеп әкімшілігіне, аудандық білім бөліміне, ата-аналарға алғыс лебізін арнайды.
Раушан БАРЖАҚСЫ.
Сурет мектептің архивінен алынды.

АЛҒЫ КЕЗЕҢНІҢ МІНДЕТТЕРІ БЕЛГІЛЕНДІ

Жуырда өткен жариялы тыңдау сағаты шаруашылық жүргізу құқығындағы негізгі екі коммуналды кәсіпорынның – «Теплосервис» пен «Ерейментау Су Арнасының» өз құзыретімен сәйкестелген жылу, ауыз су берілісіне, шайынды су ағызылымына қатысты қызметіне арналды.
Қаланың әкімі Төлеутай Мұхамеджанов қыстыгүні тұтынушыларды жылумен, тіршілік нәрімен іркіліссіз қамсыздандырған адалниетті қажырлы еңбегі үшін коммуналды мекемелерге алғыс айтты. Облыс әкімі Ермек Маржықпаевтың аманатына сәйкес, объектілердің келесі кезеңге даярлығына арналған тапсырма белгіленді.
Жылумен жабдықтайтын сала директоры Ерболат Мадияров «2018 жыл ішіндегі жылу қуатының өндірісі, берілісі, үлестірілімі, жабдықталымы» реттелмелі қызмет ұсынылымына арналған жалпы жағдайды толық сипаттады. Жылу өндірісіне, көмір алдырылымына, электр жүйесі мекемесімен есептесуге, жанар-жағармай, көмір, шикізат пен материал шығынына арналған дерек, өзге жайттар санмен өрнектелді. Заңды және жеке тұлғаларға лайықталған, есептегішпен және есептегішсіз өлшенетін, 7 және 12 айға арналған орташасалмақталған сараланған тарифтің мәнісі түсіндірілді. Тұтынушылардың дебиторлық борышы да баршылық, бүгінгі таңда 50 пайызы өндіріліп алынды. Бұл орайда түрлі деңгейдегі басшылар өз қарамағындағылармен жылу қарызының уақтылы өтеліміне лайықталған түсіндірме әңгімесін жүргізуі шарт. Aры қарай оқу

«ЖЫЛЫ ЖҮРЕК – ЖОМАРТ ҚОЛ»

«Адам баласынан мейірім қашса, жер бетінен жақсылық қашады», – деген екен данышпан халқымыз.
Қазіргі жастар тәрбиесінде жүректі нұрландыру арқылы адам жанына әсер ету үрдісі кең қолданылып келеді.Кезінде Абай атамыз да өзінің қара сөздерінде: «Тірі адамның жүректен аяулы жері жоқ», – деген.
Адамшылық, мейірбандық қасиетті бойына мол сіңірген жан айналасындағы әрбір адам баласын «өз бауырым» деп ойлауы керек. Мейірімділік дегеніміз – басқалардың игілігі үшін қамқор болудың нышаны.
Адам өміріндегі ең игі істің бірі – мұқтаж жандарға қамқорлық жасау. Адамдар бір-біріне қайырымдылық, мейірімділік таныту арқылы жақсылық жасайды. Қамқорлық қажет ететін жандарға қол ұшын беру арқылы адам баласы жақсылыққа қадам бастайды. Осы орайда, аудандық білім бөлімінің басшысы Совет Нұрғазиннің ықыласымен «Мейірімділік жәшігі» жобасы өңіріміздің барлық оқу орындарында іске асырылып жатыр. Біздің Еркіншілік орта мектебі де игі істен шет қалған жоқ. Ұжымдағы әріптестеріміз, оқушылар қауымы «Мейірімділік жәшігіне» киім-кешек, ойыншық, оқулық қосты. Ал сынып жетекшілері мен тәрбие ісі жөніндегі орынбасарлары жаңағы бұйымды мұқтаж жандарға таратуда. Aры қарай оқу

МӘСЕЛЕ БӘРІНЕ ОРТАҚ

Аудан әкімі Абай Әлжановтың төрағалығымен кеңес өтті.
Бұл жолы аудан активіне жол-пайдалану учаскесінің бастығы лауазымына тағайындалған Жаңбырбай Молдасүгірұлы Әбдин таныстырылды, қызмет жолын тізбектеген өңір басшысы республикалық мәндегі автобаннан бекітілген учаске күтімінде табыс тіледі.
8 сәуірден бастап бүкіл жерде төңіректі тазартуға, көріктендіруге, көгалдандыруға арналған айлық жарияланды. ТКШ бөлімінің бастығы Ербол Мәшкенов ауылдық аймақтарды өткен тазалық бейсенбісінің нәтижесін, ортақ іске үлес қосқан адам санын жария етті. Мердігерлік мекеме – «Жезсвязьстрой» ЖШС-мен бекітілген келісім-шарт негізінде салынатын дене тәрбиесі-сауықтыру кешенінің құрылыс барысы қамтылды. Ғимарат уақтылы іске қосылуы үшін кестеде межеленген мерзімнен қалыспау қажеттігі барынша маңызды.
Қаланың әкімі Төлеутай Мұхамеджановтың ақпарына сәйкес аталмыш айлық аясында белгілі жұмыс жүргізілді. Білім ордалары, коммуналды кәсіпорындар, қалалықтар бас көше мен жақын төңіректің ағашын әктеуге, қоқысын шығаруға белсене үн қосты. Көгалдандыру мақсатында Ағаш егу күні жарияланбақ. Бұл сәтте ағаш пен гүл көшеті жеткізіледі. Көше жолының асфальт жөнделімі жалғасатын болады. Коммуналшыларға құбыр төсеуге қазылған ұра орнын тегістеуге, сақшыларға бейқам үй иелеріне, тазалық ережесін бұзғандарға айып салуға тапсырма берілмек. Aры қарай оқу

ҚАРҚЫНДЫ ДАМУДЫҢ МӘН-МАҢЫЗЫ ЗОР

Өңір экономикасының маңызды саласы – ауыл шаруашылығы өндірісі жетекшілері, ауыл, ауылдық округ әкімдері, ветеринарлық қызмет, баспасөз өкілдері еңбек аптасының алғашқы күні аудан әкімі Абай Әлжановтың басшылығымен кеңеске жиылды.
Ауыл шаруашылығы бөлімінің бастығы Абылай Иманжүсіпов ағымдағы жылдың көктемгі-дала жұмысына дайындық реті, мал шаруашылығы саласындағы индикативтік жоспардың орындалым барысы туралы кең ауқымды мәлімет ұсынды. Жазғы егіс алаңы, бидай, жемдік астық, майлы, малазықтық дақыл, картоп, көкөніс алқабының аумағы әңгімеге негіз болды.
Ірі шаруашылықтардың, шаруа қожалықтарының, соқа түсіруге жарамды жері, оған қоса жерін тиісті мақсатына пайдаланбайтын шаруа иелері талдамаға ілікті. 8 серіктестік пен 8 қожалық әлі күнге дейін тұқым тапшылығын сезініп отыр. Шаруашылықтардың кейбіреуі сұрып-тұқым жаңартылымы аясында келісім-шарт пен жоспарға қол жеткізген. «Айзет Фармс» ЖШС-нің бірінші репродукциялы Астана сұрыпты ішкішаруашылық ауысымына арналған 500 тонна тұқымы баршылық. Топырақтағы жеткілікті ылғал қоры, арамшөпті жоюдың химиялық әдісі, шаруашылықтың машина-трактор паркінің толықтырылымы, жаңартылымы туралы айтылды. Аймағымызда мал басының көбейгенін ескере келе, жемазық өндірісін дамытуға, түлік тұқымының қалыпты жаңартылымына, мал семірту алаңына өгізше тапсырылымына, скважина салғызуға назар аудару қажет. Aры қарай оқу

Алтыншы сайланымдағы аудандық мәслихаттың XXXVII кезекті сессиясы туралы АҚПАРАТ ХАБАР

Аудандық мәслихаттың отыз жетінші сессиясында қарап, шешуге жалпы сегіз мәселе енгізілді.

Сессияның төрағасы, №1 Автобаза сайлау округі бойынша аудандық мәслихаттың депутаты Юрий Адайкин күн тәртібін жариялады да, жоспардан тыс екі мәселе қосуды ұсынды.

Экономика және қаржы бөлімінің басшысы Амантай Хасенов «Ерейментау аудандық мәслихатының 2018 жылдың 24 желтоқсанындағы №6С-34/3-18 «2019-2021 жылдарға арналған аудандық бюджет туралы» шешіміне өзгеріс пен толықтыру енгізу туралы»; «Ерейментау аудандық мәслихатының 2018 жылдың 25 желтоқсанындағы №6С-34/4-18 «Ерейментау қаласының, Еркіншілік, Тайбай, Торғай ауылдық округтерінің 2019-2021 жылдарға арналған бюджеті туралы» шешіміне өзгеріс пен толықтыру енгізу туралы» ақпар ұсынды. Әңгіменің мәнісі ізінше бюджеттік бағдарламаның жекелеген тармақтарына аударылатын нысаналы трансферт есебінен бюджеттің шығыс тармағын молайтуға арналды. Aры қарай оқу

АЛТЫН ТОЙЛАРЫҢЫЗБЕН!

Ауыл шаруашылығы саласында ұзақ жыл абыройлы еңбек еткен, еңбегінің зейнетіне жеткен, сегіз перзент тәрбиелеген, 15 немере жетелеген, 2 шөбере әлдилеген қадірлі де сүйікті әке-шешеміз, ата-әжеміз Құсайын мен Қымбат Әбіловтерді отасқандарына 50 жыл толатын алтын той қуанышымен шын жүректен құттықтаймыз!
Игі еңбектің зейнетін көріп енді,
Отыратын ортада кезің келді.
50 жыл қыз өсіріп, ұл өсіріп,
Қиындықты тең бөліп, бірге жеңді.
Ортамызда отырыңыз қос шынар боп,
Алдымызға жол сілтер қос жанар боп.
Ауырмастан, 100-ге жетсін жастарыңыз,
Шөпшекке де жетіңіз құс тұмар боп.
Ізгі тілекпен: балалары, немерелері, шөберелері.